Durmindo entre carteiristas, estafadores, vigaristas e demais profesionaes clasificados.

06/07/2012

Valentín Paz-Andrade foi encarcelado por un artígo publicado na revista Industrias Pesqueras do 15 de setembro de 1956:

"Cesó D. Félix de Ozamiz: cesado en su cargo el Comandante de Marina de Vigo, el capitán de navío don Félix de Ozámiz. Entregó el mando al segundo contramaestre señor Suanzes que desempeñará las funciones del jefe entretanto no se efectúa nuevo nombramiento. El señor Ozámiz estuvo solamente unos meses al frente de la Comandancia de Vigo en la que ha desarrollado una labor impulsiva, en ocasiones acertada; pero que ha provocado frecuentes dificultades"

Desde a cadea lle escribe ao seu amigo Isaac Diaz Pardo

Querido Isaac;

Supoño que esta nova non será a primeira que chegue ao teu ouvido, con informes da miña situación presente. Dende o 21 pola tarde estou na cadea, c-unha perspeitiva de encerro por 30 días. Eiquí recibín o teu mensaxe aéreo. Non se trata de nada político, nin de nada criminal, aínda que veña vivindo estes dias, e durmindo, entre carteiristas, estafadores, vigaristas e demais profesionaes clasificados. Vos, os de reixas par-a-fóra, non tendes tanta sorte. Vivides antre profesionaes das mesmas artes, pero sin clasificar aínda.

Pubricóuse na Revista Industrias Pesqueras, xa fai 10 meses, unha gacetiña de 4 liñas, dando conta do cese d-un Comandante da Mariña, que fora deposto pol-o Ministro. Instruiron dilixencias e calificaron o feito de leve falta de ligera irrespetuosidad a unha Autoridad de Marina que xa non exercía o suposto agraviado. Fun requerido pra revelar ao autor mais non me prestéi a algo que , pequena ou grande, era unha delación. O 21, como Direitor responsable, notificóuseme antre dous da P. Armada que foran a buscarme ao domicilio, un arresto de 30 días. A mesma parella, sen respiro, deixoume choído n-esta esterqueira do crime.

Vigo veu n-estes días reaicionando c-unha emocionante vibrazón. Dende o Alcalde a donas descoñecidas, que envían ofrenas froraes, o curazón da xente síntese abalado pol-a dureza do trato empregado. Unha comisión das forzas vivas parece dispoñerse a facer unha xestión no Ferrol. Dubido. A forza pol-a forza é unha filosofía distinta da forza pol-a razón.

Teño seresnidade d-abondo pra apural-a dimensión da inxustiza. Se non fora pol-o compromiso de Buenos Aires ata prohibiría toda xestión. Con todo, o episodio desconcertou o mesmo esforzo, que xa ven decote ao límite. Javier tróuxome o traballo, que lin. Ten unha gran calidade científica. Indiqueille algo no tocante as concrusións, e prefiríu revisal-as. Penso que hoxe ou mañán se mandará.

Si podo faréi o que indicas na tua carta. Como desde as 10 da mañán ás 10 da noite non deixo de recibir xene, e teño dificultade par-o mensaxe das fontes, vai ser difícil que poida cubrir o valeiro. Víñame ben facel-o, porque aproveitaría a laboura documental pra unha ou duas conferenzas, das que penso dar. Mais, como ves, todo está no ar. Ainda non comuniquéi a outra banda o que pasa. Lembranzas á túa xente e a mellor aperta pra tí de Valentín.